Намояндагони Тоҷикистон тавонистанд дар мусобиқаҳое, ки ба фанновариҳои рақамӣ бахшида шуда буданд, чанд медал ба даст оранд
Тоҷикон дар Олимпиадаи Infomatrix – Asia 2025 бомуваффақият баромад карданд.Дар ин бора аз хадамоти матбуоти Вазорати маорифи ҷумҳурӣ хабар доданд.Мусобиқа дар пойтахти Қазоқистон шаҳри Остона баргузор шуд.Мусобиқа аз рӯи 9 категория баргузор шуд: графикаи компютерӣ ва санъат, филми кӯтоҳ, идоракунии таҷҳизот, лоиҳаҳои илмию амалӣ, ҳакатони Arduino, эстафетаи LEGO, барномасозии AI ва хакатони стартап.Гуфта мешавад, ки намояндагони Тоҷикистон тавонистанд дар ин Олимпиадаи IT 2 ҷои дуюм ва 2 ҷои сеюмро ба даст оранд.”Ин дастовард гувоҳи он аст, ки ҷавонони тоҷик дар омӯзиши фанновариҳои муосир ва рақобат дар арсаи байналмилалӣ иқтидори баланд доранд”,-афзуд вазорати маориф.
Ғолибони ин озмунҳо ҳангоми дохил шудан ба муассисаҳои таҳсилоти олии касбии пешрафтаи ҷаҳон имтиёзҳо дарёфт хоҳанд кард.Қаблан тоҷикон дар Олимпиадаи Авруосиё аз фанни информатика 18 медал ба даст оварда буданд.
Мусобиқа дар Қазоқистон низ миёни мактаббачагони кишварҳои узви СҲШ баргузор шуд. Дар он 39 донишҷӯ аз Тоҷикистон ширкат карда, 3 медали нуқра ва 15 биринҷӣ ба даст оварданд.
