Душанбе, Таджикистан
+992 988869595info@admin.tj
tesla-min

Мақомот дар нақша доранд, ки мошинҳои электрикиро барои сокинони кишвар дастрастар кунанд

Дар Тоҷикистон тағйироту илова ба Кодекси андози кишвар баррасӣ шудааст, ки воридоти мошинҳои барқӣ аз пардохти боҷи гумрукиро озод мекунад.

Дар назар аст, ки бар асоси ин тағйирот воридоти мошинҳои барқӣ, автобусҳои электрикӣ, троллейбусҳо ва мошинҳои шабеҳ ба муддати 10 сол аз пардохти боҷи гумрукӣ озод карда шавад.

Чунин тадбирҳо ба истифодаи самараноки иқтисоди «сабз», истифодаи васеъи дигар манбаъҳои барқароршавандаи энергия, ҳифзи муҳити зист ва беҳбуди вазъи экологии кишвар нигаронида шудаанд.

Илон Маск аз пайдоиши корхонаҳои Tesla дар Қазоқистон ва кишварҳои ИДМ хабар дод

Мошинҳои барқӣ, ки ба Тоҷикистон ворид мешаванд, инчунин аз андоз, ААИ ва аксиз озод карда мешаванд.

Пештар Рафиқа Мӯсоева, раиси Анҷумани энержии Тоҷикистон гуфта буд, ки истифодаи мошинҳои барқӣ бо боздоштани воридоти сӯзишворӣ барои мошинҳо ба коҳиши партовҳои газҳои гулхонаӣ дар Тоҷикистон, ки ҳоло бештари он ба нақлиёти автомобилӣ вобаста аст, мусоидат мекунад.

Занг намезанад: мусбат ва манфии манъи мошинҳои кӯҳна дар Тоҷикистон

Қобили зикр аст, ки мошинҳои барқӣ дар кишварҳои ҳамсоя ҷамъ карда мешаванд ва бо назардошти истеҳсоли минтақавӣ арзиши онҳо хеле паст аст.

Бинобар ин, чунин маҳсулот метавонад бо мошинҳои маъмулии хориҷие, ки дар ҷумҳурӣ маъмуланд, рақобат кунанд.

Write A Comment